Gazagystanyň daşary işler ministri Murat Nurtileu we britan daşary işler ministri Deýwid Kameron 24-nji aprelde Astanada gepleşik geçirip, ikitaraplaýyn gatnaşyklar, sebit howpsuzlygy, hyzmatdaşlyk we Ukrainada dowam edýän uruş barada pikir alyşdy.
Nurtileu öz ýurdunyň "Ukrainadaky konfliktiň parahatçylykly çözülmegini" goldaýandygyny aýtdy. Gepleşikleriň dowamynda iki ýurduň arasyndaky strategiki hyzmatdaşlyk baradaky şertnama gol çekildi.