Ukrainanyň Baş aňtaw müdirliginiň metbugat wekili Andriý Ýusow Ukrainanyň Russiýa tarapyndan basylyp alnan Krym sebitiniň Žankoý şäherinde ýerleşýän harby howa meýdançasyna ukrain ýaragly güýçleriniň "üstünlikli" hüjüm edendigi baradaky habary tassyklady.
Ýusow 18-nji aprelde Azat Ýewropa/Azatlyk Radiosyna beren interwýusynda bir gün öň amala aşyrylan hüjümiň Russiýanyň raketa garşy we uçara garşy gorag ulgamlaryny, radar ulgamlaryny ýok edendigini , şeýle-de käbir uçarlara zyýan ýetendigini aýtdy.
Sosial media kanallary 17-nji aprelde howa menzilinde güýçli partlamalaryň bolandygyny habar berdiler, ýöne bu habarlar barlanyp bilinmedi.