28-nji martda irden Ukraina Russiýanyň atan Şahed kysymly 28 dronunyň 26-syny urup düşürdi. Bu barada ýurduň Harby howa güýçleri habar berdi.
Pilotsyz howa enjamlarynyň Ukrainanyň Dnipropetrowsk, Harkiw, Odesa we Zaporižýa sebitleriniň üstünde urlup düşürilendigi bellenilýär.
Zaporižýada jaýlara zeper ýetdi we azyndan iki adam ýaralandy diýip, ýerli häkim Iwan Fedorow Telegram kanalynda aýtdy.